خود کو شرمندۂ دعا نہ کرے

خود کو شرمندۂ دعا نہ کرے

ہے بشر وہ جو التجا نہ کرے

کاش وہ دل میں ہو مرے پیوست

ان کا تیر نظر خطا نہ کرے

ہو کے مجبور ہے بشر میں یہ شر

گر ملے اختیار کیا نہ کرے

لطف آ جائے دل جو کوئی کام

آپ کی یاد کے سوا نہ کرے

دل میں جب تک نہ ہو کوئی تحریک

شعر شاعر کبھی کہا نہ کرے

یاد حق کیا کرو گے پیری میں

کیا خبر عمر ہی وفا نہ کرے

جو محبت میں جان دے نہ سکے

وہ محبت کا حوصلہ نہ کرے

ہے خدا خوش اسی سے اے عاقلؔ

جو کسی کا کبھی برا نہ کرے