KHud ko ummid ki nagri mein uTha le jao

ḳhud ko ummīd kī nagrī meñ uThā le jaao

niiñd ke kūche se kuchh ḳhvāb churā le jaao

apnā kirdār har ik vaqt sañbhāle jaao

ham buzurgoñ kī bhī thoḌī sī du'ā le jaao

jab chale aa.e ho is shahr-e-siyah-kār meñ tum

'aib har shaḳhs ke siine meñ chhupā le jaao

ḳhair kī raah dikhāte raho tūfānoñ ko

biphrī maujoñ ko bhī us samt bahā le jaao

ek lamhe meñ pighal jā.eñge patthar 'mohsin'

un pe tum apnī vafāoñ kī ghaTā le jaao

KHud ko ummid ki nagri mein uTha le jao

nind ke kuche se kuchh KHwab chura le jao

apna kirdar har ek waqt sanbhaale jao

hum buzurgon ki bhi thoDi si du'a le jao

jab chale aae ho is shahr-e-siyah-kar mein tum

'aib har shaKHs ke sine mein chhupa le jao

KHair ki rah dikhate raho tufanon ko

biphri maujon ko bhi us samt baha le jao

ek lamhe mein pighal jaenge patthar 'mohsin'

un pe tum apni wafaon ki ghaTa le jao