خود میں دھونی رمائے بیٹھی ہوں
خود میں دھونی رمائے بیٹھی ہوں
آج خود کو بھلائے بیٹھی ہوں
جانے والوں کا انتظار نہیں
اپنے رستے میں آئے بیٹھی ہوں
اس کی آنکھوں میں ہے طلسم کوئی
اپنا چہرہ لٹائے بیٹھی ہوں
چاند کو طیش آ رہا ہے کہ میں
کیوں نظر کو ملائے بیٹھی ہوں
پھول کھلتے ہیں مجھ میں شعروں کے
ایک مصرعہ سمائے بیٹھی ہوں
راہ گزر احترام کر میرا
میں کسی کے بلائے بیٹھی ہوں
ہر خوشی زرد ہو گئی جیسے
اک اذیت بھلائے بیٹھی ہوں
آئنے پر تو ہے بھروسا مجھے
اس سے کیوں منہ چھپائے بیٹھی ہوں
چبھ رہی ہے اندھیری رات مجھے
ہر ستارہ بجھائے بیٹھی ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
