KHud mein ek aaftab the abdurrashid lone

ḳhud meñ ik āftāb the abdurrashīd lone

yaanī khulī kitāb the abdurrashīd lone

jis jā vo jaate ḳhushbū luTānā hī kaam thā

mahkā huā gulāb the abdurrashīd lone

kyā kahiye ham ko ham ne na gauhar kī qadr kī

jab tak ki dastiyāb the abdurrashīd lone

jis zāviye se dekhiye aayā hameñ nazar

har ruḳh se kāmyāb the abdurrashīd lone

aatā nahīñ samajh meñ jo paḌhne ke bāvajūd

ulfat kā vo nisāb the abdurrashīd lone

tābīr-e-ḳhvāb jis kī batlā na sakā koī

aisā hī ek ḳhvāb the abdurrashīd lone

un ko ḳhudā ne baḳhshā thā aisā hunar ki sab

kahte haiñ lā-javāb the abdurrashīd lone

jab bhī paḌheñge ma.anī nayā de hameñ koī

aisā hī ek baab the abdurrashīd lone

vaqt-e-vidā.a kalima-e-tayyab zabāñ pe thā

maqsad meñ kāmyāb the abdurrashīd lone

majlis meñ sab kī hotī thī 'ahmad' zabān band

rakhte har ik javāb the abdurrashīd lone

KHud mein ek aaftab the abdurrashid lone

yani khuli kitab the abdurrashid lone

jis ja wo jate KHushbu luTana hi kaam tha

mahka hua gulab the abdurrashid lone

kya kahiye hum ko hum ne na gauhar ki qadr ki

jab tak ki dastiyab the abdurrashid lone

jis zawiye se dekhiye aaya hamein nazar

har ruKH se kaamyab the abdurrashid lone

aata nahin samajh mein jo paDhne ke bawajud

ulfat ka wo nisab the abdurrashid lone

tabir-e-KHwab jis ki batla na saka koi

aisa hi ek KHwab the abdurrashid lone

un ko KHuda ne baKHsha tha aisa hunar ki sab

kahte hain la-jawab the abdurrashid lone

jab bhi paDhenge mani naya de hamein koi

aisa hi ek bab the abdurrashid lone

waqt-e-widaa kalima-e-tayyab zaban pe tha

maqsad mein kaamyab the abdurrashid lone

majlis mein sab ki hoti thi 'ahmad' zaban band

rakhte har ek jawab the abdurrashid lone