KHud pe wo faKHr-kunan kaisa hai
ḳhud pe vo faḳhr-kunāñ kaisā hai
us ko apne pe gumāñ kaisā hai
koī jumbish hai na aahaT na sadā
ye jahān-e-guzarāñ kaisā hai
dil dhaḌakne kī bhī āvāz nahīñ
sāneha kāhish-e-jāñ kaisā hai
aaj tak zaḳhm hare haiñ dil ke
marham-e-chāra-garāñ kaisā hai
us se nazdīk nahīñ hai koī
vo qarīb-e-rag-e-jāñ kaisā hai
gul khulā hī ga.ī lailā-e-bahār
shor-e-āshufta-sarāñ kaisā hai
ham kaḌī dhuup ke aadī the 'habāb'
sar pe ye abr-e-ravāñ kaisā hai
KHud pe wo faKHr-kunan kaisa hai
us ko apne pe guman kaisa hai
koi jumbish hai na aahaT na sada
ye jahan-e-guzaran kaisa hai
dil dhaDakne ki bhi aawaz nahin
saneha kahish-e-jaan kaisa hai
aaj tak zaKHm hare hain dil ke
marham-e-chaara-garan kaisa hai
us se nazdik nahin hai koi
wo qarib-e-rag-e-jaan kaisa hai
gul khula hi gai laila-e-bahaar
shor-e-ashufta-saran kaisa hai
hum kaDi dhup ke aadi the 'habab'
sar pe ye abr-e-rawan kaisa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
