خود پہ وہ فخر کناں کیسا ہے
خود پہ وہ فخر کناں کیسا ہے
اس کو اپنے پہ گماں کیسا ہے
کوئی جنبش ہے نہ آہٹ نہ صدا
یہ جہان گزراں کیسا ہے
دل دھڑکنے کی بھی آواز نہیں
سانحہ کاہش جاں کیسا ہے
آج تک زخم ہرے ہیں دل کے
مرہم چارہ گراں کیسا ہے
اس سے نزدیک نہیں ہے کوئی
وہ قریب رگ جاں کیسا ہے
گل کھلا ہی گئی لیلائے بہار
شور آشفتہ سراں کیسا ہے
ہم کڑی دھوپ کے عادی تھے حبابؔ
سر پہ یہ ابر رواں کیسا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
