KHud se guzre to qayamat se guzar jaenge hum

ḳhud se guzre to qayāmat se guzar jā.eñge ham

ya.anī har haal kī hālat se guzar jā.eñge ham

ālam-e-vus.at-e-imkāñ nazar aa.egā hameñ

ya.anī har duurī o qurbat se guzar jā.eñge ham

ḳhatm ho jā.egī sab kashmakash-e-harf-o-adad

ya.anī har manfī o musbat se guzar jā.eñge ham

na makāñ hogā vajūd aur na zamāñ hogā adam

ya.anī har tañgī o vus.at se guzar jā.eñge ham

ālam-e-hū dil-e-bīnā ko nazar aa.egā

hasrat o vahshat o hairat se guzar jā.eñge ham

KHud se guzre to qayamat se guzar jaenge hum

yani har haal ki haalat se guzar jaenge hum

aalam-e-wusat-e-imkan nazar aaega hamein

yani har duri o qurbat se guzar jaenge hum

KHatm ho jaegi sab kashmakash-e-harf-o-adad

yani har manfi o musbat se guzar jaenge hum

na makan hoga wajud aur na zaman hoga adam

yani har tangi o wusat se guzar jaenge hum

aalam-e-hu dil-e-bina ko nazar aaega

hasrat o wahshat o hairat se guzar jaenge hum