KHud se main be-yaqin hua hi nahin
ḳhud se maiñ be-yaqīñ huā hī nahīñ
āsmāñ thā zamīñ huā hī nahīñ
ishq kahte haiñ sab jise ham se
vo gunāh-e-hasīñ huā hī nahīñ
vasl bhī us kā us ke jaisā thā
jo gumāñ se yaqīñ huā hī nahīñ
ḳhāna-e-dil sarā kī sūrat hai
koī is meñ makīñ huā hī nahīñ
laakh chāhā magar suḳhan merā
qābil-e-āfrīñ huā hī nahīñ
maiñ bhī ḳhud ko sañvārtā 'mohsin'
aa.ina nukta-chīñ huā hī nahīñ
KHud se main be-yaqin hua hi nahin
aasman tha zamin hua hi nahin
ishq kahte hain sab jise hum se
wo gunah-e-hasin hua hi nahin
wasl bhi us ka us ke jaisa tha
jo guman se yaqin hua hi nahin
KHana-e-dil sara ki surat hai
koi is mein makin hua hi nahin
lakh chaha magar suKHan mera
qabil-e-afrin hua hi nahin
main bhi KHud ko sanwarta 'mohsin'
aaina nukta-chin hua hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
