KHud se niklun bhi to rasta nahin aasan mera
ḳhud se niklūñ bhī to rasta nahīñ āsān mirā
merī socheñ haiñ ghanī ḳhauf hai gunjān mirā
hai kisī aur samay par guzar-auqāt mirī
din ḳhasāra hai mujhe raat hai nuqsān mirā
merā tahzīb-o-tamaddun hai ye vahshat merī
merā qissa, mirī tārīḳh hai nisyān mirā
maiñ kisī aur hī aalam kā makīñ huuñ pyāre
mere jañgal kī tarah ghar bhī hai sunsān mirā
din nikalte hī mire ḳhvāb bikhar jaate haiñ
roz girtā hai isī farsh pe gul-dān mirā
mujh ko jis naav meñ aanā thā kahīñ Duub ga.ī
ḳhvāb hai niiñd ke sāhil pe pareshān mirā
KHud se niklun bhi to rasta nahin aasan mera
meri sochen hain ghani KHauf hai gunjaan mera
hai kisi aur samay par guzar-auqat meri
din KHasara hai mujhe raat hai nuqsan mera
mera tahzib-o-tamaddun hai ye wahshat meri
mera qissa, meri tariKH hai nisyan mera
main kisi aur hi aalam ka makin hun pyare
mere jangal ki tarah ghar bhi hai sunsan mera
din nikalte hi mere KHwab bikhar jate hain
roz girta hai isi farsh pe gul-dan mera
mujh ko jis naw mein aana tha kahin Dub gai
KHwab hai nind ke sahil pe pareshan mera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
