KHud uTh ke hath mere gareban mein aa gae

ḳhud uTh ke haath mere garebāñ meñ aa ga.e

shāyad qadam junūñ ke gulistāñ meñ aa ga.e

is ke sivā batā.eñ asīrī kā kyā sabab

ghabrā.e anjuman se to zindāñ meñ aa ga.e

kyā hogā chaar phūloñ se ai mausam-e-bahār

ye to hamāre gosha-e-dāmāñ meñ aa ga.e

josh-e-bahār aur ye be-iḳhtiyāriyāñ

sū-e-chaman chale the bayābāñ meñ aa ga.e

'sīmāb' kibr-o-nāz kā anjām kuchh na pūchh

sab rafta rafta gor-e-ġharībāñ meñ aa ga.e

KHud uTh ke hath mere gareban mein aa gae

shayad qadam junun ke gulistan mein aa gae

is ke siwa bataen asiri ka kya sabab

ghabrae anjuman se to zindan mein aa gae

kya hoga chaar phulon se ai mausam-e-bahaar

ye to hamare gosha-e-daman mein aa gae

josh-e-bahaar aur ye be-iKHtiyariyan

su-e-chaman chale the bayaban mein aa gae

'simab' kibr-o-naz ka anjam kuchh na puchh

sab rafta rafta gor-e-ghariban mein aa gae