KHuda hai shahid ki is sanam sa kisi sanam ka badan na dekha

ḳhudā hai shāhid ki is sanam sā kisī sanam kā badan na dekhā

sunī nazākat sunī halāvat kamar ko misl-e-dahan na dekhā

riyāz-e-duniyā kī kyā haqīqat riyāz-e-jannat go hai tamanna

kisī ne ai andalīb-o-qumrī vo sarv gul-pairahan na dekhā

hazāroñ mazmūn ham ne bāñdhe chhupā jo mū-e-nazar kamar se

liye tasavvur ne lākhoñ bose jo rū-e-ġhuncha-dahan na dekhā

ḳhayāl-e-yāqūb meñ na aatā gumān pairāhan-e-pisar kā

hazār afsos us ne terā purānā bhī pairahan na dekhā

banā.e madfan ajiib ghar hai kab inhidām-e-makāñ kā Dar hai

rah-e-fanā rāh-e-be-ḳhatar hai yahāñ ġham-e-rāh-zan na dekhā

ġhazal kā har sher garm-tar hai kalām-e-'rashk' ātish-o-sharar hai

ye sohbat-e-'mehr' kā asar hai ki sard is kā suḳhan na dekhā

KHuda hai shahid ki is sanam sa kisi sanam ka badan na dekha

suni nazakat suni halawat kamar ko misl-e-dahan na dekha

riyaz-e-duniya ki kya haqiqat riyaz-e-jannat go hai tamanna

kisi ne ai andalib-o-qumri wo sarw gul-pairahan na dekha

hazaron mazmun hum ne bandhe chhupa jo mu-e-nazar kamar se

liye tasawwur ne lakhon bose jo ru-e-ghuncha-dahan na dekha

KHayal-e-yaqub mein na aata guman pairahan-e-pisar ka

hazar afsos us ne tera purana bhi pairahan na dekha

banae madfan ajib ghar hai kab inhidam-e-makan ka Dar hai

rah-e-fana rah-e-be-KHatar hai yahan gham-e-rah-zan na dekha

ghazal ka har sher garm-tar hai kalam-e-'rashk' aatish-o-sharar hai

ye sohbat-e-'mehr' ka asar hai ki sard is ka suKHan na dekha