KHuda jaane nawa-e-be-fughan se kaun guzra hai

ḳhudā jaane navā-e-be-fuġhāñ se kaun guzrā hai

ba-ḳhāmoshī hamārī dāstāñ se kaun guzrā hai

nadāmat lāla-o-gul kī pareshāñ bū-e-pairāhan

hameñ ma.alūm hai is gulsitāñ se kaun guzrā hai

thī me.arāj-e-mohabbat yā urūj-e-azmat-e-insāñ

farishte chup makān-o-lā-makāñ se kaun guzrā hai

shikasta naav shab tārīk sāhil duur tūfāñ tez

magar bā-īñ-hama mauj-e-ravāñ se kaun guzrā hai

ye kis kī ābla-pā.ī se ḳhār-o-sang haiñ gul-gūñ

talab kī raah meñ har imtihāñ se kaun guzrā hai

liye apnī jabīñ par muztarib sajdoñ kā nazrāna

pa.e-yak-āstāñ har āstāñ se kaun guzrā hai

hamāre baad bhī jo aane vaale haiñ vo pūchheñge

ye haiñ naqsh-e-qadam kis ke yahāñ se kaun guzrā hai

KHuda jaane nawa-e-be-fughan se kaun guzra hai

ba-KHamoshi hamari dastan se kaun guzra hai

nadamat lala-o-gul ki pareshan bu-e-pairahan

hamein malum hai is gulsitan se kaun guzra hai

thi mearaj-e-mohabbat ya uruj-e-azmat-e-insan

farishte chup makan-o-la-makan se kaun guzra hai

shikasta naw shab tarik sahil dur tufan tez

magar ba-in-hama mauj-e-rawan se kaun guzra hai

ye kis ki aabla-pai se KHar-o-sang hain gul-gun

talab ki rah mein har imtihan se kaun guzra hai

liye apni jabin par muztarib sajdon ka nazrana

pae-yak-astan har aastan se kaun guzra hai

hamare baad bhi jo aane wale hain wo puchhenge

ye hain naqsh-e-qadam kis ke yahan se kaun guzra hai