KHuda kare ki nazar kaamyab ho jae
ḳhudā kare ki nazar kāmyāb ho jaa.e
tirī nazar meñ mirā intiḳhāb ho jaa.e
vo sāmne mire be-parda aa ga.e lekin
mazā to jab hai ki phir se hijāb ho jaa.e
kiye the vasl ke va.ade hazār tum ne magar
maiñ aaj aa hī gayā lo hisāb ho jaa.e
bikher ruḳh pe zarā apne is tarah zulfeñ
ki zulf chehre pe tere naqāb ho jaa.e
ilāhī vasf ho dil meñ to mere itnā ho
bharūñ jo chullū meñ paanī sharāb ho jaa.e
KHuda kare ki nazar kaamyab ho jae
teri nazar mein mera intiKHab ho jae
wo samne mere be-parda aa gae lekin
maza to jab hai ki phir se hijab ho jae
kiye the wasl ke wade hazar tum ne magar
main aaj aa hi gaya lo hisab ho jae
bikher ruKH pe zara apne is tarah zulfen
ki zulf chehre pe tere naqab ho jae
ilahi wasf ho dil mein to mere itna ho
bharun jo chullu mein pani sharab ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
