KHuda ke nam se aaghaz har ek kaam karte hain

ḳhudā ke naam se āġhāz har ik kaam karte haiñ

munavvar is tarah ham apnī sub.h-o-shām karte haiñ

musalsal āñdhiyoñ meñ jo jalāte haiñ charāġh apnā

vahī be-shak jahāñ meñ apnā raushan naam karte haiñ

unhīñ bachchoñ ko laḌnā hai sitam kī dhuup se ik din

abhī jo māmtā kī chhāñv meñ ārām karte haiñ

adāvat ke sulagte manzaroñ ke darmiyāñ rah kar

mohabbat ke hasīñ jazbāt ko ham aam karte haiñ

jo ḳhud ko bech dete haiñ bikā.ū maal kī sūrat

vahī apne qalam kī aabrū nīlām karte haiñ

gharoñ meñ aag nafrat kī lagā kar vo 'sa.īd' aksar

hamārī zaat hī ko morid-e-ilzām karte haiñ

KHuda ke nam se aaghaz har ek kaam karte hain

munawwar is tarah hum apni subh-o-sham karte hain

musalsal aandhiyon mein jo jalate hain charagh apna

wahi be-shak jahan mein apna raushan nam karte hain

unhin bachchon ko laDna hai sitam ki dhup se ek din

abhi jo mamta ki chhanw mein aaram karte hain

adawat ke sulagte manzaron ke darmiyan rah kar

mohabbat ke hasin jazbaat ko hum aam karte hain

jo KHud ko bech dete hain bikau mal ki surat

wahi apne qalam ki aabru nilam karte hain

gharon mein aag nafrat ki laga kar wo 'said' aksar

hamari zat hi ko morid-e-ilzam karte hain