KHuda ke waste ab be-ruKHi se kaam na le

ḳhudā ke vāste ab be-ruḳhī se kaam na le

taḌap ke phir koī dāman ko tere thaam na le

bas ek sajda-e-shukrāna pā-e-sāqī par

ye mai-kada hai yahāñ par ḳhudā kā naam na le

vafā to kaisī jafā bhī nahīñ hai ab ham par

ab itnā saḳht mohabbat se intiqām na le

zamāne-bhar meñ haiñ charche mirī tabāhī ke

maiñ Dar rahā huuñ kahīñ koī terā naam na le

miTā do shauq se mujh ko magar kahīñ tum se

zamāna merī tabāhī kā intiqām na le

maiñ jānūñ jab ki bujhā de tū tishnagī dil kī

vagarna aaj se dariyā-dilī kā naam na le

nahīñ vo husn jo āshiq ko shād-kām kare

nahīñ vo ishq jo nākāmiyoñ se kaam na le

rakhūñ umīd-e-karam us se ab maiñ kyā 'sāhir'

ki jab nazar se bhī zālim mirā salām na le

KHuda ke waste ab be-ruKHi se kaam na le

taDap ke phir koi daman ko tere tham na le

bas ek sajda-e-shukrana pa-e-saqi par

ye mai-kada hai yahan par KHuda ka nam na le

wafa to kaisi jafa bhi nahin hai ab hum par

ab itna saKHt mohabbat se intiqam na le

zamane-bhar mein hain charche meri tabahi ke

main Dar raha hun kahin koi tera nam na le

miTa do shauq se mujh ko magar kahin tum se

zamana meri tabahi ka intiqam na le

main jaanun jab ki bujha de tu tishnagi dil ki

wagarna aaj se dariya-dili ka nam na le

nahin wo husn jo aashiq ko shad-kaam kare

nahin wo ishq jo nakaamiyon se kaam na le

rakhun umid-e-karam us se ab main kya 'sahir'

ki jab nazar se bhi zalim mera salam na le