KHuda ki mujh pe nusrat ho rahi hai

ḳhudā kī mujh pe nusrat ho rahī hai

ġhazal kahne pe qudrat ho rahī hai

jise dekho vahī talvār sā hai

mohabbat ab ġhanīmat ho rahī hai

duā de kar gayā thā ek saa.il

mirī roTī meñ barakat ho rahī hai

sila bas ye milā tark-e-vatan kā

hamārī ghar meñ vaq.at ho rahī hai

vo sab se mil rahā hai itnā jhuk kar

jahāñ jitnī zarūrat ho rahī hai

gul-o-gulzār sho.ale ho rahe haiñ

haqīqat mahv-e-hairat ho rahī hai

'qalaq' lab par tabassum dil meñ kiina

pas-e-ulfat adāvat ho rahī hai

KHuda ki mujh pe nusrat ho rahi hai

ghazal kahne pe qudrat ho rahi hai

jise dekho wahi talwar sa hai

mohabbat ab ghanimat ho rahi hai

dua de kar gaya tha ek sail

meri roTi mein barakat ho rahi hai

sila bas ye mila tark-e-watan ka

hamari ghar mein waqat ho rahi hai

wo sab se mil raha hai itna jhuk kar

jahan jitni zarurat ho rahi hai

gul-o-gulzar shoale ho rahe hain

haqiqat mahw-e-hairat ho rahi hai

'qalaq' lab par tabassum dil mein kina

pas-e-ulfat adawat ho rahi hai