KHuda ki zat ne jab dard ka nuzul kiya

ḳhudā kī zaat ne jab dard kā nuzūl kiyā

mire sivā na kisī aur ne qubūl kiyā

agarche ek qabīle ke fard haiñ donoñ

tujhe gulāb banāyā mujhe babūl kiyā

kabhī ye ġham ki adhūrā rahā hamārā kaam

kabhī ye soch ki jitnā kiyā fuzūl kiyā

havā ne gard uḌaa.ī hai bārhā merī

palaT palaT ke zamīñ ne mujhe qubūl kiyā

har ek zaḳhm ko baḳhshī gulāb kī sūrat

badan kī sej pe kāñToñ ko ham ne phuul kiyā

sunā rahe haiñ shajar ruḳhsat-e-bahār kā sog

samar to kyā koī patta nahīñ qubūl kiyā

kisī ko ḳhad se ziyāda na mohtasib jaanā

faqat zamīr kī āvāz ko usuul kiyā

KHuda ki zat ne jab dard ka nuzul kiya

mere siwa na kisi aur ne qubul kiya

agarche ek qabile ke fard hain donon

tujhe gulab banaya mujhe babul kiya

kabhi ye gham ki adhura raha hamara kaam

kabhi ye soch ki jitna kiya fuzul kiya

hawa ne gard uDai hai barha meri

palaT palaT ke zamin ne mujhe qubul kiya

har ek zaKHm ko baKHshi gulab ki surat

badan ki sej pe kanTon ko hum ne phul kiya

suna rahe hain shajar ruKHsat-e-bahaar ka sog

samar to kya koi patta nahin qubul kiya

kisi ko KHad se ziyaada na mohtasib jaana

faqat zamir ki aawaz ko usul kiya