خدا پناہ کہ نوک زباں سے اوپر تک

خدا پناہ کہ نوک زباں سے اوپر تک

بھرا ہوا ہے یہ شاعر فغاں سے اوپر تک

مزید ہنسنے کا مت کہہ کہ ہم پہ واجب ہے

نہ آئیں اس کے لگائے نشاں سے اوپر تک

کم اختلاط ہیں لیکن ہیں سلسلے دل کے

زمیں سے نیچے تلک آسماں سے اوپر تک

دل و دماغ نہ چاہیں تو مجھ قدم کی مجال

ملے ہوئے ہیں سبھی ناتواں سے اوپر تک

ہنر ہمی میں نہیں ورنہ یار پہنچے ہیں

کوئی قلم کوئی زور زباں سے اوپر تک

کنویں سے نکلا ہوں لیکن حسیں نہیں ہوں میں

سو خود ہی جانا پڑے گا یہاں سے اوپر تک