KHuda panah ki nok-e-zaban se upar tak

ḳhudā panāh ki nok-e-zabāñ se uupar tak

bharā huā hai ye shā.ir fuġhāñ se uupar tak

mazīd hañsne kā mat kah ki ham pe vājib hai

na aa.eñ us ke lagā.e nishāñ se uupar tak

kam-iḳhtilāt haiñ lekin haiñ silsile dil ke

zamīñ se nīche talak āsmāñ se uupar tak

dil-o-dimāġh na chāheñ to mujh qadam kī majāl

mile hue haiñ sabhī nā-tavāñ se uupar tak

hunar hamī meñ nahīñ varna yaar pahuñche haiñ

koī qalam koī zor-e-zabāñ se uupar tak

kueñ se niklā huuñ lekin hasīñ nahīñ huuñ maiñ

so ḳhud hī jaanā paḌegā yahāñ se uupar tak

KHuda panah ki nok-e-zaban se upar tak

bhara hua hai ye shair fughan se upar tak

mazid hansne ka mat kah ki hum pe wajib hai

na aaen us ke lagae nishan se upar tak

kam-iKHtilat hain lekin hain silsile dil ke

zamin se niche talak aasman se upar tak

dil-o-dimagh na chahen to mujh qadam ki majal

mile hue hain sabhi na-tawan se upar tak

hunar hami mein nahin warna yar pahunche hain

koi qalam koi zor-e-zaban se upar tak

kuen se nikla hun lekin hasin nahin hun main

so KHud hi jaana paDega yahan se upar tak