KHuda-parast hue hum na but-parast hue

ḳhudā-parast hue ham na but-parast hue

kisī taraf na jhukā sar kuchh aise mast hue

jinheñ ġhurūr bahut thā namāz roze par

ga.e jo qabr meñ saare vuzū shikast hue

ġhurūr kar ke nigāhoñ se gir ga.e maġhrūr

buland jitne hue utne aur past hue

rahā ḳhumār ke sadme se chuur shīsha-e-dil

magar na sā.il-e-mai tere mai-parast hue

taḌap dikhā na use 'bahr' māhī-e-dil kī

ġhazab huā jo vo tār-e-nigāh shast hue

KHuda-parast hue hum na but-parast hue

kisi taraf na jhuka sar kuchh aise mast hue

jinhen ghurur bahut tha namaz roze par

gae jo qabr mein sare wuzu shikast hue

ghurur kar ke nigahon se gir gae maghrur

buland jitne hue utne aur past hue

raha KHumar ke sadme se chur shisha-e-dil

magar na sail-e-mai tere mai-parast hue

taDap dikha na use 'bahr' mahi-e-dil ki

ghazab hua jo wo tar-e-nigah shast hue