KHuda se ham-kalami hai na koi Deal hoti hai

ḳhudā se ham-kalāmī hai na koī Deal hotī hai

maqām-e-ġhaib se āvāz kī tarsīl hotī hai

ḳhushī se pahle ḳhud tā'rīf uThāte haiñ mirī aur phir

achānak dostoñ ko jealousy bhī feel hotī hai

navard-e-husn-o-tāsīr-o-bunat-kārī ke bal ke baa'd

hazāroñ saal meñ chashm-e-muannas jhiil hotī hai

fishār-e-ḳhūn par bāñdho koī sohbat kā dhāgā bhī

nahīñ to aaj bandar-gāh-e-dil hī seal hotī hai

falak ke paar chakkar kāTtā hai raat bhar koī

sitāroñ kī baġhal meñ roz ik qindīl hotī hai

gale se lag zabāñ ko chhū koī ḳhvāhish bhī puurī kar

dilāsoñ se kahāñ ġham kī fazā tabdīl hotī hai

KHuda se ham-kalami hai na koi Deal hoti hai

maqam-e-ghaib se aawaz ki tarsil hoti hai

KHushi se pahle KHud ta'rif uThate hain meri aur phir

achanak doston ko jealousy bhi feel hoti hai

naward-e-husn-o-tasir-o-bunat-kari ke bal ke ba'd

hazaron sal mein chashm-e-muannas jhil hoti hai

fishaar-e-KHun par bandho koi sohbat ka dhaga bhi

nahin to aaj bandar-gah-e-dil hi seal hoti hai

falak ke par chakkar kaTta hai raat bhar koi

sitaron ki baghal mein roz ek qindil hoti hai

gale se lag zaban ko chhu koi KHwahish bhi puri kar

dilason se kahan gham ki faza tabdil hoti hai