خدا سے ہم کلامی ہے نہ کوئی ڈیل ہوتی ہے

خدا سے ہم کلامی ہے نہ کوئی ڈیل ہوتی ہے

مقام غیب سے آواز کی ترسیل ہوتی ہے

خوشی سے پہلے خود تعریف اٹھاتے ہیں مری اور پھر

اچانک دوستوں کو جیلسی بھی فیل ہوتی ہے

نورد حسن و تاثیر و بنت کاری کے بل کے بعد

ہزاروں سال میں چشم مؤنث جھیل ہوتی ہے

فشار خون پر باندھو کوئی صحبت کا دھاگا بھی

نہیں تو آج بندر گاہ دل ہی سیل ہوتی ہے

فلک کے پار چکر کاٹتا ہے رات بھر کوئی

ستاروں کی بغل میں روز اک قندیل ہوتی ہے

گلے سے لگ زباں کو چھو کوئی خواہش بھی پوری کر

دلاسوں سے کہاں غم کی فضا تبدیل ہوتی ہے