KHuda se zulm ka shikwa zarur maine kiya

ḳhudā se zulm kā shikva zarūr maiñ ne kiyā

baḌā qusūr ye ai rashk-e-hūr maiñ ne kiyā

kisī se dil kā lagānā gunāh hai nāseh

jo ye qusūr hai to ye qusūr maiñ ne kiyā

vo zikr-e-va.ada-e-vasl-e-adū pe kahte haiñ

zarūr maiñ ne kiyā bizzarūr maiñ ne kiyā

tirā ḳhayāl mire dil meñ aa nahīñ saktā

ki jis ko duur kiyā us ko duur maiñ ne kiyā

janāb-e-'nūh' zamāne kā e'tibār nahīñ

burā kiyā jo kisī se ġhurūr maiñ ne kiyā

KHuda se zulm ka shikwa zarur main ne kiya

baDa qusur ye ai rashk-e-hur main ne kiya

kisi se dil ka lagana gunah hai naseh

jo ye qusur hai to ye qusur main ne kiya

wo zikr-e-wada-e-wasl-e-adu pe kahte hain

zarur main ne kiya bizzarur main ne kiya

tera KHayal mere dil mein aa nahin sakta

ki jis ko dur kiya us ko dur main ne kiya

janab-e-'nuh' zamane ka e'tibar nahin

bura kiya jo kisi se ghurur main ne kiya