KHuda-shanas buzurgon ki yaadgar hain hum

ḳhudā-shanās buzurgoñ kī yādgār haiñ ham

ḳhizāñ ne luuT liyā jis ko vo bahār haiñ ham

jo chāhtā hai zamāna sazā.eñ de ham ko

kiyā hai jurm-e-mohabbat qusūr-vār haiñ ham

ḳhilāf apne zamāna huā to kyā ġham hai

ḳhudā se fazl-o-karam ke umīd-vār haiñ ham

vo apnā va.ada nibāheñ ge hai gumāñ ham ko

fareb dete haiñ ḳhud ko fareb-kār haiñ ham

nasīm-e-sub.h-e-bahārāñ hamāre paas na aa

hameñ na chheḌ ki mahv-e-ḳhayāl-e-yār haiñ ham

jise na toḌ sakeñ gardisheñ zamāne kī

havās-o-hosh kā 'mashkūr' vo hisār haiñ ham

KHuda-shanas buzurgon ki yaadgar hain hum

KHizan ne luT liya jis ko wo bahaar hain hum

jo chahta hai zamana sazaen de hum ko

kiya hai jurm-e-mohabbat qusur-war hain hum

KHilaf apne zamana hua to kya gham hai

KHuda se fazl-o-karam ke umid-war hain hum

wo apna wada nibahen ge hai guman hum ko

fareb dete hain KHud ko fareb-kar hain hum

nasim-e-subh-e-bahaaran hamare pas na aa

hamein na chheD ki mahw-e-KHayal-e-yar hain hum

jise na toD saken gardishen zamane ki

hawas-o-hosh ka 'mashkur' wo hisar hain hum