KHudara naKHuda koi na aae

ḳhudārā nāḳhudā koī na aa.e

agar kashtī bhañvar kī samt jaa.e

zamāne se bahut jab tang aa.e

ḳhudā se rābte apne baḌhā.e

guzishta saal se pahle kabhī bhī

mujhe ye rat-jage itne na bhaa.e

bahut din baa'd ye jaanā ki ham par

sitam kuchh aap ne bhī kam na Dhaa.e

mujhe taklīf de kar yā-ilāhī

kisī kī aañkh meñ aañsū na aa.e

mirī āñkhoñ ne dekhe ḳhvāb kaise

mujhe qismat ne kaise din dikhā.e

mujhe uḌne kā mauqa tab milā thā

mire sayyād ne jab par jalā.e

KHudara naKHuda koi na aae

agar kashti bhanwar ki samt jae

zamane se bahut jab tang aae

KHuda se rabte apne baDhae

guzishta sal se pahle kabhi bhi

mujhe ye rat-jage itne na bhae

bahut din ba'd ye jaana ki hum par

sitam kuchh aap ne bhi kam na Dhae

mujhe taklif de kar ya-ilahi

kisi ki aankh mein aansu na aae

meri aankhon ne dekhe KHwab kaise

mujhe qismat ne kaise din dikhae

mujhe uDne ka mauqa tab mila tha

mere sayyaad ne jab par jalae