KHudaya hind ka raushan charagh-e-arzu kar de
KHudaya hind ka raushan charagh-e-arzu kar de
Shyam Sunder Lal Barq
MORE BYShyam Sunder Lal Barq
ḳhudāyā hind kā raushan charāġh-e-ārzū kar de
yad-e-qudrat se is ko bāġh-e-jannat hū-ba-hū kar de
shamīm-e-lutf se ḳhāk-e-vatan ko mushkbū kar de
harā abr-e-karam se is kā naḳhl-e-ārzū kar de
hamāre dāġh-e-isyāñ kī ḳhudāyā shust-o-shū kar de
farishta sūrat-e-insāñ meñ ham ko hū-ba-hū kar de
sitāra hind kā chamke siyah-baḳhtī miTe yārab
jo qaumeñ is meñ pistī haiñ unheñ to sulh-jū kar de
nahīñ yaarā hai mujh ko rāz-e-dil iz.hār karne kā
atā tāqat zabāñ ko ab barā-e-guftugū kar de
yahī hai aarzū apnī yahī hai mudda.ā apnā
jo ahl-e-hind haiñ yārab unheñ to surḳh-rū kar de
adā dil se kareñge shukr sab ahl-e-vatan yārab
mai-e-ishrat se jo un kā liyā lab to subū kar de
tirī chuTkī meñ rishta hai tirī chuTkī meñ sozan hai
ḳhudāyā hind ke chāk-e-garebāñ ko rafū kar de
adab se 'barq' kī har-dam yahī tujh se guzārish hai
hamāre mulk ko saare jahāñ meñ nām-jū kar de
KHudaya hind ka raushan charagh-e-arzu kar de
yad-e-qudrat se is ko bagh-e-jannat hu-ba-hu kar de
shamim-e-lutf se KHak-e-watan ko mushkbu kar de
hara abr-e-karam se is ka naKHl-e-arzu kar de
hamare dagh-e-isyan ki KHudaya shust-o-shu kar de
farishta surat-e-insan mein hum ko hu-ba-hu kar de
sitara hind ka chamke siyah-baKHti miTe yarab
jo qaumen is mein pisti hain unhen to sulh-ju kar de
nahin yara hai mujh ko raaz-e-dil izhaar karne ka
ata taqat zaban ko ab bara-e-guftugu kar de
yahi hai aarzu apni yahi hai muddaa apna
jo ahl-e-hind hain yarab unhen to surKH-ru kar de
ada dil se karenge shukr sab ahl-e-watan yarab
mai-e-ishrat se jo un ka liya lab to subu kar de
teri chuTki mein rishta hai teri chuTki mein sozan hai
KHudaya hind ke chaak-e-gareban ko rafu kar de
adab se 'barq' ki har-dam yahi tujh se guzarish hai
hamare mulk ko sare jahan mein nam-ju kar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
