خوددار زندگی تھی شرافت میں جل گئی

خوددار زندگی تھی شرافت میں جل گئی

تعریف کرنے والوں کی قسمت بدل گئی

جن کو تو بولنے کا سلیقہ نہیں ہوا

مسند ملی تو بات زمانہ میں چل گئی

ہم قافیہ ردیف میں الجھے رہے فقط

معنی تو چھوڑیئے جی مکمل غزل گئی

صورت حسین آنکھوں سے اوجھل نہیں ہوئی

دیدار ایسے تھے کہ طبیعت بہل گئی

پت جھڑ کو یوں بہار میسر ہوئی نہیں

ایسا لگا کہ مچھلی تو کانٹا نگل گئی

اس زندگی سے کوئی بھی شکوہ نہیں ابھےؔ

جس اور تھا جھکاؤ اسی اور ڈھل گئی