KHudi ke nam pe ek jashn be-KHudi kar lo

ḳhudī ke naam pe ik jashn be-ḳhudī kar lo

añdherī raat meñ kuchh aur raushnī kar lo

ye dushmanī to mire ehtirām meñ gum hai

mire raqīb koī mujh se dostī kar lo

kahāñ talak ye bahāroñ kī sarmadī daulat

bahut tamām huī ab to zindagī kar lo

ye shor baḌhtā rahā gar to be-qusūr huuñ maiñ

tujhe ḳhabar to mile koī ḳhāmushī kar lo

maiñ apne saare hī aiboñ se aap vāqif huuñ

mire ḳhayāl pe tum koī bhī hañsī kar lo

maiñ hote hote kahāñ daar tak chalī aa.ī

kisī ne mujh se kahā thā ki āshiqī kar lo

KHudi ke nam pe ek jashn be-KHudi kar lo

andheri raat mein kuchh aur raushni kar lo

ye dushmani to mere ehtiram mein gum hai

mere raqib koi mujh se dosti kar lo

kahan talak ye bahaaron ki sarmadi daulat

bahut tamam hui ab to zindagi kar lo

ye shor baDhta raha gar to be-qusur hun main

tujhe KHabar to mile koi KHamushi kar lo

main apne sare hi aibon se aap waqif hun

mere KHayal pe tum koi bhi hansi kar lo

main hote hote kahan dar tak chali aai

kisi ne mujh se kaha tha ki aashiqi kar lo