khul gaya bhed khusrawi ke baad

khul gayā bhed khusravī ke baad

jholī bhartī hai ājizī ke baad

āḳhirī ishq jo kiyā maiñ ne

ishq pahlā thā āḳhirī ke baad

shaam vo sar-phirī milī mujh ko

aaj ik aur sar-phirī ke baad

pyaar ke baad pyaar kar lenā

ḳhud-kushī hai ye ḳhud-kushī ke baad

haiñ ye sāvan kī bārisheñ kaisī

habs hotā hai tāzgī ke baad

apne lafzoñ ko chhoḌ aaya huuñ

saañs letā huuñ zindagī ke baad

tujh ko 'ārib' ḳhudā se māñgā hai

bandagī kī hai bandagī ke ba.ad

khul gaya bhed khusrawi ke baad

jholi bharti hai aajizi ke baad

aaKHiri ishq jo kiya main ne

ishq pahla tha aaKHiri ke baad

sham wo sar-phiri mili mujh ko

aaj ek aur sar-phiri ke baad

pyar ke baad pyar kar lena

KHud-kushi hai ye KHud-kushi ke baad

hain ye sawan ki barishen kaisi

habs hota hai tazgi ke baad

apne lafzon ko chhoD aaya hun

sans leta hun zindagi ke baad

tujh ko 'arib' KHuda se manga hai

bandagi ki hai bandagi ke baad