khule hain hath lekin panw mein beDi bandhi si hai

khule haiñ haath lekin paañv meñ beḌī bañdhī sī hai

jise tum zindagī kahte ho mujh ko ḳhud-kushī sī hai

vahī kājal vahī āñkheñ vahī bāteñ vahī chehra

magar dil ko ye lagtā hai ki tujh meñ kuchh kamī sī hai

chaḌhe ab raat mujh meñ roz koī chīḳh uThtā hai

magar lab dekhtā huuñ to laboñ par ḳhāmushī sī hai

bhram chhoḌo mere yaaro maiñ andar se bahut ḳhush huuñ

ye āñkheñ laal haiñ merī palak hī shabnamī sī hai

kināre kaT chuke ik buuñd paanī ko tarastī hai

nadī ko dekh kar lagtā hai merī zindagī sī hai

qasam khātī hai merī aur aksar toḌ detī hai

mujhe nādāñ samajhtī hai vo laḌkī bāvrī sī hai

khule hain hath lekin panw mein beDi bandhi si hai

jise tum zindagi kahte ho mujh ko KHud-kushi si hai

wahi kajal wahi aankhen wahi baaten wahi chehra

magar dil ko ye lagta hai ki tujh mein kuchh kami si hai

chaDhe ab raat mujh mein roz koi chiKH uThta hai

magar lab dekhta hun to labon par KHamushi si hai

bhram chhoDo mere yaro main andar se bahut KHush hun

ye aankhen lal hain meri palak hi shabnami si hai

kinare kaT chuke ek bund pani ko tarasti hai

nadi ko dekh kar lagta hai meri zindagi si hai

qasam khati hai meri aur aksar toD deti hai

mujhe nadan samajhti hai wo laDki bawri si hai