khuli aankhon mein dar aane se pahle
khulī āñkhoñ meñ dar aane se pahle
nazar aao nazar aane se pahle
nahīñ thā mujh ko zo.am-e-pārsā.ī
koī ilzām sar aane se pahle
hameñ dar-pesh thī naql-e-makānī
tirā hukm-e-safar aane se pahle
gale miltī hai mujh se be-gharī bhī
galī meñ roz ghar aane se pahle
huā karte haiñ raste bhī rukāvaT
guzar jā rahguzar aane se pahle
nazar-andāz kar detī thī āñkheñ
mujhe tujh sā nazar aane se pahle
bahut āsān thā kār-e-hunar bhī
mire hāthoñ hunar aane se pahle
kabhī to bār-var ho jaa.e 'ahmad'
duā bāb-e-asar aane se pahle
khuli aankhon mein dar aane se pahle
nazar aao nazar aane se pahle
nahin tha mujh ko zoam-e-parsai
koi ilzam sar aane se pahle
hamein dar-pesh thi naql-e-makani
tera hukm-e-safar aane se pahle
gale milti hai mujh se be-ghari bhi
gali mein roz ghar aane se pahle
hua karte hain raste bhi rukawaT
guzar ja rahguzar aane se pahle
nazar-andaz kar deti thi aankhen
mujhe tujh sa nazar aane se pahle
bahut aasan tha kar-e-hunar bhi
mere hathon hunar aane se pahle
kabhi to bar-war ho jae 'ahmad'
dua bab-e-asar aane se pahle
- Book : Adab-o-Saqafat International (Pg. 67)
- Author : Shakeelsarosh
- Publication : Misal Publishers Raheem Center Press Market Ameen Pur Bazar, Faisalbad, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
