خلق سے دور رہا جو وہ مثالی نہ ہوا

خلق سے دور رہا جو وہ مثالی نہ ہوا

اس کو حاصل کبھی اعزاز ذرا بھی نہ ہوا

نئی تہذیب کا پروردہ نگار بے باک

با حیاؤں میں کبھی شان تجلی نہ ہوا

اس کے کردار کی نفرت پہ رکھی ہے بنیاد

پیار آمادہ بائیں وجہ وہ افعی نہ ہوا

حسن پردے میں رہا جتنا ہوا جان نظر

ہو کے بے پردہ کوئی حسن حقیقی نہ ہوا

عجز کی راہ سے ہٹنا مری فطرت ہی نہ تھی

لب سے یوں میرے ادا حرف تعلی نہ ہوا

سب کا انجام بہرحال یہی ہوتا ہے

کیا پس مرگ ہر اک آدمی مٹی نہ ہوا

اس کی فطرت کو ملی نفس کی غیرت ابرارؔ

دست خود دار کبھی دست سوالی نہ ہوا