khulti hi nahin aankh ujalon ke bharam se
khultī hī nahīñ aañkh ujāloñ ke bharam se
shab-rañg huā jā.ūñ maiñ sūraj ke karam se
tarkīb yahī hai use phūloñ se Dhakā jaa.e
chehre ko bachānā bhī hai patthar ke sanam se
ik jhiil sarīkhī hai ġhazal dasht-e-adab meñ
jo duur thī jo duur rahī duur hai ham se
āḳhir ye khulā vo sabhī tājir the guhar ke
jin ke bhī marāsim the mire dīda-e-nam se
kyuuñ kar vo kisī miil ke patthar pe Thahar jaa.e
kyuuñ rind kī nisbat ho tire dair-o-haram se
ye mere taḳhallus kā asar mujh pe huā hai
ab yaad nahīñ apnā mujhe naam qasam se
khulti hi nahin aankh ujalon ke bharam se
shab-rang hua jaun main suraj ke karam se
tarkib yahi hai use phulon se Dhaka jae
chehre ko bachana bhi hai patthar ke sanam se
ek jhil sarikhi hai ghazal dasht-e-adab mein
jo dur thi jo dur rahi dur hai hum se
aaKHir ye khula wo sabhi tajir the guhar ke
jin ke bhi marasim the mere dida-e-nam se
kyun kar wo kisi mil ke patthar pe Thahar jae
kyun rind ki nisbat ho tere dair-o-haram se
ye mere taKHallus ka asar mujh pe hua hai
ab yaad nahin apna mujhe nam qasam se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
