KHulus-e-alfaz kaam aaya nigah-e-ahl-e-fitan se pahle

ḳhulūs-e-alfāz kaam aayā nigāh-e-ahl-e-fitan se pahle

naved-e-dil ne mujhe pukārā sadā-e-dār-o-rasan se pahle

vajūd-e-charḳh-e-kuhan se pahle qayām-e-dar-o-rasan se pahle

hamīñ the tere chaman kī zīnat bahār-e-husn-e-chaman se pahle

sukūt-e-ġham kī adā adā ko samajh sakeñ kaash ahl-e-ālam

ishāra-hā-e-latīf bhī haiñ jabīñ pe naqsh-e-shikan se pahle

bahār-e-be-kaif kis liye hai guloñ pe rañg-e-shikast kyuuñ hai

abhī to kitnī hī bijliyāñ haiñ chaman meñ tark-e-chaman se pahle

KHulus-e-alfaz kaam aaya nigah-e-ahl-e-fitan se pahle

nawed-e-dil ne mujhe pukara sada-e-dar-o-rasan se pahle

wajud-e-charKH-e-kuhan se pahle qayam-e-dar-o-rasan se pahle

hamin the tere chaman ki zinat bahaar-e-husn-e-chaman se pahle

sukut-e-gham ki ada ada ko samajh saken kash ahl-e-alam

ishaara-ha-e-latif bhi hain jabin pe naqsh-e-shikan se pahle

bahaar-e-be-kaif kis liye hai gulon pe rang-e-shikast kyun hai

abhi to kitni hi bijliyan hain chaman mein tark-e-chaman se pahle