خلوص دل سے میں نے سر تمہارے در پہ رکھا تھا

خلوص دل سے میں نے سر تمہارے در پہ رکھا تھا

مگر کس دل سے تم نے پاؤں میرے سر پہ رکھا تھا

میں ہر ہارے ہوئے کا ساتھ دیتا تھا اسی ڈر سے

مرا سر مانگ کر تم نے کسی خنجر پہ رکھا تھا

وفور شوق سے دل رکھ دیا تھا پائے نازک پر

مجھے ہوش آیا تو دیکھا کہ سر پتھر پہ رکھا تھا

مری چھپری میں وہ اخلاص کا بھوکا چلا آیا

محل آؤ بھگت کا کیونکہ آڈمبر پہ رکھا تھا

بہاریں اپنے اصلی رنگ میں تھیں میری صحبت میں

فریب خوش نمائی دور کے منظر پہ رکھا تھا

مجھے خلقت کی خلقت حد دنیا پر اٹھا لائی

کہ جیسے بوجھ میرا ہی زمانے بھر پہ رکھا تھا