KHumar-e-shab mein use main salam kar baiTha

ḳhumār-e-shab meñ use maiñ salām kar baiThā

jo kaam karnā thā mujh ko vo kaam kar baiThā

qabā-e-zard pahan kar vo bazm meñ aayā

gul-e-hinā ko hathelī meñ thaam kar baiThā

chhupā gayā thā mohabbat kā raaz maiñ to magar

vo bhol-pan meñ suḳhan dil kā aam kar baiThā

jo so ke uTThā to rasta ujaaḌ lagtā thā

pahuñchnā thā mujhe manzil pe shaam kar baiThā

thakan safar kī badan shal sā kar ga.ī hai 'munīr'

burā kiyā jo safar meñ qayām kar baiThā

KHumar-e-shab mein use main salam kar baiTha

jo kaam karna tha mujh ko wo kaam kar baiTha

qaba-e-zard pahan kar wo bazm mein aaya

gul-e-hina ko hatheli mein tham kar baiTha

chhupa gaya tha mohabbat ka raaz main to magar

wo bhol-pan mein suKHan dil ka aam kar baiTha

jo so ke uTTha to rasta ujaD lagta tha

pahunchna tha mujhe manzil pe sham kar baiTha

thakan safar ki badan shal sa kar gai hai 'munir'

bura kiya jo safar mein qayam kar baiTha