KHurshid ki nigah se shabnam ko aas kya

ḳhurshīd kī nigāh se shabnam ko aas kyā

tasvīr-e-rozgār se dil hai udaas kyā

shohrat kī gard ḳhvāb ke tūfāñ ġhamoñ kī dhuul

in ke sivā hai aur zamāne ke paas kyā

TuuTā na zor-e-ġham na zamāne kā sar jhukā

niklegī vasl-e-yār se dil kī bhaḌās kyā

ham ko kitāb-e-zīst kā har baab hifz hai

ik bāb-e-ġham kā sirf paḌheñ iqtibās kyā

nikle haiñ zahr karb meñ bujh kar tamām lafz

gholeñ subū-e-sher meñ ġham kī miThās kyā

jin kī nazar meñ hech hai tāj-e-hunar 'na.īm'

un ke huzūr maiñ kyā mirī iltimās kyā

KHurshid ki nigah se shabnam ko aas kya

taswir-e-rozgar se dil hai udas kya

shohrat ki gard KHwab ke tufan ghamon ki dhul

in ke siwa hai aur zamane ke pas kya

TuTa na zor-e-gham na zamane ka sar jhuka

niklegi wasl-e-yar se dil ki bhaDas kya

hum ko kitab-e-zist ka har bab hifz hai

ek bab-e-gham ka sirf paDhen iqtibas kya

nikle hain zahr karb mein bujh kar tamam lafz

gholen subu-e-sher mein gham ki miThas kya

jin ki nazar mein hech hai taj-e-hunar 'naim'

un ke huzur main kya meri iltimas kya