KHush hain inam mila ho jaise

ḳhush haiñ in.aam milā ho jaise

dard bhī koī davā ho jaise

aise jiite haiñ sazā ho jaise

jurm sangīn kiyā ho jaise

talḳhī-e-zabt-e-fuġhāñ kyā kahiye

zahr kā ghūñT piyā ho jaise

apnī tahzīb se duurī ai dost

jism se ruuh judā ho jaise

yuuñ guzar jaatā hai kuchh ahd-e-shabāb

mauja-e-bād-e-sabā ho jaise

ishq kyā husn bhī hai nauha-kunāñ

mātam-e-marg-e-vafā ho jaise

sāThvīñ sālgirah kī tasvīr

koī manzil pe luTā ho jaise

zahr-e-ġham piite raho yuuñ 'nazmī'

zahr-e-ġham āb-e-baqā ho jaise

KHush hain inam mila ho jaise

dard bhi koi dawa ho jaise

aise jite hain saza ho jaise

jurm sangin kiya ho jaise

talKHi-e-zabt-e-fughan kya kahiye

zahr ka ghunT piya ho jaise

apni tahzib se duri ai dost

jism se ruh juda ho jaise

yun guzar jata hai kuchh ahd-e-shabab

mauja-e-baad-e-saba ho jaise

ishq kya husn bhi hai nauha-kunan

matam-e-marg-e-wafa ho jaise

saThwin salgirah ki taswir

koi manzil pe luTa ho jaise

zahr-e-gham pite raho yun 'nazmi'

zahr-e-gham aab-e-baqa ho jaise