KHush hun ki zindagi ne koi kaam kar diya
ḳhush huuñ ki zindagī ne koī kaam kar diyā
mujh ko supurd-e-gardish-e-ayyām kar diyā
saaqī siyāh-ḳhāna-e-hastī meñ dekhnā
raushan charāġh kis ne sar-e-shām kar diyā
pahle mire ḳhulūs ko dete rahe fareb
āḳhir mire ḳhulūs ko badnām kar diyā
kitnī duā.eñ duuñ tirī zulf-e-darāz ko
kitnā vasī.a silsila-e-dām kar diyā
vo chashm-e-mast kitnī ḳhabar-dār thī 'adam'
ḳhud hosh meñ rahī hameñ badnām kar diyā
KHush hun ki zindagi ne koi kaam kar diya
mujh ko supurd-e-gardish-e-ayyam kar diya
saqi siyah-KHana-e-hasti mein dekhna
raushan charagh kis ne sar-e-sham kar diya
pahle mere KHulus ko dete rahe fareb
aaKHir mere KHulus ko badnam kar diya
kitni duaen dun teri zulf-e-daraaz ko
kitna wasia silsila-e-dam kar diya
wo chashm-e-mast kitni KHabar-dar thi 'adam'
KHud hosh mein rahi hamein badnam kar diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.