KHush-numai se mawara tu hai

ḳhush-numā.ī se māvarā tū hai

hai agar koī haq-numā tū hai

tū hī mehvar hai merī gardish kā

aur markaz bhī bā-ḳhudā tū hai

merā maqsad nahīñ hai diid faqat

merā har ek mudda.ā tū hai

jaan levā hai zahr vahshat kā

jis kā tiryāk maut yā tū hai

fahm-o-idrāk se jo baalā hai

vo kahānī vo mājrā tū hai

darmiyāñ bhī hai in.ikās tirā

ibtidā aur intihā tū hai

mujh ko tuġhyāniyoñ kā ḳhauf nahīñ

merī kashtī kā nāḳhudā tū hai

tū hī saaqī hai hauz-e-kausar kā

tū mohammad hai mustafā tū hai

KHush-numai se mawara tu hai

hai agar koi haq-numa tu hai

tu hi mehwar hai meri gardish ka

aur markaz bhi ba-KHuda tu hai

mera maqsad nahin hai did faqat

mera har ek muddaa tu hai

jaan lewa hai zahr wahshat ka

jis ka tiryak maut ya tu hai

fahm-o-idrak se jo baala hai

wo kahani wo majra tu hai

darmiyan bhi hai inikas tera

ibtida aur intiha tu hai

mujh ko tughyaniyon ka KHauf nahin

meri kashti ka naKHuda tu hai

tu hi saqi hai hauz-e-kausar ka

tu mohammad hai mustafa tu hai