خوش رنگ آسمان اڑا لے گئی ہوا
خوشبو کا سائبان اڑا لے گئی ہوا
کانٹے الجھ کے دامن ہستی سے رہ گئے
پھولوں کی داستان اڑا لے گئی ہوا
آنکھوں میں اب چمکتے در و بام ہیں کہاں
خوابوں کا وہ مکان اڑا لے گئی ہوا
دل کے تعلقات کی خوشبو کہیں نہیں
مربوط خاندان اڑا لے گئی ہوا
بے سمت زندگی مری بے سمت ہی رہی
منزل کا ہر نشان اڑا لے گئی ہوا
تھی جس کے دم سے جلوۂ تہذیب نو یہاں
کب کا وہ خاکدان اڑا لے گئی ہوا
قسمت سے آ گئے تھے ہم اہل ستم کے ہاتھ
وہ تیر وہ کمان اڑا لے گئی ہوا
طوفاں سے کھیلتی ہوئی کشتی گزر گئی
ہر چند بادبان اڑا لے گئی ہوا
ظاہر ہوا جو مطلع دل پر یقیں کا نور
پل بھر میں ہر گمان اڑا لے گئی ہوا
بدلا تھا جن سے نازؔ مرا لہجۂ غزل
وہ طرز وہ بیان اڑا لے گئی ہوا
- کتاب : Sahra Mein Ek Boond (Pg. 159)
- Author : Naz Quadri
- مطبع : Maktaba Sadaf, Muzaffarpur (2011)
- اشاعت : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
