KHush-rang kis qadar KHas-o-KHashak the kabhi
KHush-rang kis qadar KHas-o-KHashak the kabhi
Akbar Ali Khan Arshi Zadah
MORE BYAkbar Ali Khan Arshi Zadah
ḳhush-rañg kis qadar ḳhas-o-ḳhāshāk the kabhī
zarre bhī zeb-o-zīnat-e-aflāk the kabhī
ab DhūñDte haiñ rāh-e-taḳhātub ke silsile
kyā ham vahī haiñ tum se jo bebāk the kabhī
go de sake na soz-e-darūñ kā hamāre saath
ye dīda-hā-e-ḳhushk bhī namnāk the kabhī
kuchh aur bhī aziiz huī haiñ nishāniyāñ
dāman vo taar taar haiñ jo chaak the kabhī
ham ne junūñ se pahle kiyā thā tumheñ pasand
achchhā to ham bhī sāhab-e-idrāk the kabhī
ab dhuup hai ki chhāñv mile umr ho ga.ī
mausam mizāj-e-dost ke chālāk the kabhī
KHush-rang kis qadar KHas-o-KHashak the kabhi
zarre bhi zeb-o-zinat-e-aflak the kabhi
ab DhunDte hain rah-e-taKHatub ke silsile
kya hum wahi hain tum se jo bebak the kabhi
go de sake na soz-e-darun ka hamare sath
ye dida-ha-e-KHushk bhi namnak the kabhi
kuchh aur bhi aziz hui hain nishaniyan
daman wo tar tar hain jo chaak the kabhi
hum ne junun se pahle kiya tha tumhein pasand
achchha to hum bhi sahab-e-idrak the kabhi
ab dhup hai ki chhanw mile umr ho gai
mausam mizaj-e-dost ke chaalak the kabhi
- Sukhan Mere Tumhare Darmiyan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
