خوشبو ہے زعفران کی ایوان شہر آج

خوشبو ہے زعفران کی ایوان شہر آج

ہستی کوئی ضرور ہے مہمان شہر آج

ٹکرائیں جام و مینا و فنجان شہر آج

پیران پیر ہے کوئی رندان شہر آج

سب چوک پر ہیں جمع حسینوں کی ٹولیاں

ہے بیچ میں فراز مری جان شہر آج

اب دل ہمارے آج سے اس کے اسیر ہیں

حاکم سے طے ہوا ہے یہ تاوان شہر آج

کہتے ہیں حسن یوسف کنعان مصر سے

بے ہوش کچھ ہوئی ہیں حسینان شہر آج

سب تالیاں بجائیں تو ہو ختم یہ غزل

صفوتؔ کے ساتھ مل کے جوانان شہر آج