KHushbu hai zafran ki aiwan-e-shahr aaj

ḳhushbū hai za.afrān kī aivān-e-shahr aaj

hastī koī zarūr hai mehmān-e-shahr aaj

Takrā.eñ jām-o-mīnā o finjān-e-shahr aaj

pīrān-e-pīr hai koī rindān-e-shahr aaj

sab chauk par haiñ jam.a hasīnoñ kī Toliyāñ

hai biich meñ farāz mirī jān-e-shahr aaj

ab dil hamāre aaj se us ke asiir haiñ

hākim se tai huā hai ye tāvān-e-shahr aaj

kahte haiñ husn-e-yūsuf-e-kan.ān-e-misr se

behosh kuchh huī haiñ hasīnān-e-shahr aaj

sab tāliyāñ bajā.eñ to ho ḳhatm ye ġhazal

'safvat' ke saath mil ke javānān-e-shahr aaj

KHushbu hai zafran ki aiwan-e-shahr aaj

hasti koi zarur hai mehman-e-shahr aaj

Takraen jam-o-mina o finjaan-e-shahr aaj

piran-e-pir hai koi rindan-e-shahr aaj

sab chauk par hain jama hasinon ki Toliyan

hai bich mein faraaz meri jaan-e-shahr aaj

ab dil hamare aaj se us ke asir hain

hakim se tai hua hai ye tawan-e-shahr aaj

kahte hain husn-e-yusuf-e-kanan-e-misr se

behosh kuchh hui hain hasinan-e-shahr aaj

sab taliyan bajaen to ho KHatm ye ghazal

'safwat' ke sath mil ke jawanan-e-shahr aaj