KHushbu sa koi din to sitara si koi sham

ḳhushbū sā koī din to sitārā sī koī shaam

bhejo to kabhī nuur kā dhārā sī koī shaam

poroñ se nikal kar ye kahāñ jaatī hai jaane

aatī hī nahīñ haath meñ paarā sī koī shaam

yādoñ kī havāoñ meñ baḌā zor thā shāyad

hai bikhrī paḌī paañv meñ gaarā sī koī shaam

rahtī hai mire kamre meñ kui tiira udāsī

ai sho.ala badan bhej sharāra sī koī shaam

is din ke samundar meñ jo shal hote haiñ baazū

aflāk se aatī hai kinārā sī koī shaam

ham roz hī dafnāte haiñ bujhtā huā sūraj

phir DhūñDne jaate haiñ sahārā sī koī shaam

KHushbu sa koi din to sitara si koi sham

bhejo to kabhi nur ka dhaara si koi sham

poron se nikal kar ye kahan jati hai jaane

aati hi nahin hath mein para si koi sham

yaadon ki hawaon mein baDa zor tha shayad

hai bikhri paDi panw mein gara si koi sham

rahti hai mere kamre mein kui tera udasi

ai shoala badan bhej sharara si koi sham

is din ke samundar mein jo shal hote hain bazu

aflak se aati hai kinara si koi sham

hum roz hi dafnate hain bujhta hua suraj

phir DhunDne jate hain sahaara si koi sham