KHushi jaante hain na gham jaante hain

ḳhushī jānte haiñ na ġham jānte haiñ

jo un kī razā ho vo ham jānte haiñ

jo kuchh chaar tinkoñ ko ham jānte haiñ

vo gulchīn-o-sayyād kam jānte haiñ

tumhāre hī jalvoñ kī ham raushnī ko

tajallī-e-dair-o-haram jānte haiñ

maiñ qātil na mahshar meñ samjhūñ bhī to kyā

tumheñ sab ḳhudā kī qasam jānte haiñ

mirī ḳhāk-e-dil kā patā bhī nahīñ hai

vo itne sitam ko bhī kam jānte haiñ

ḳhudā ko ḳhudā ham samajhte haiñ vaa.iz

magar haañ sanam ko sanam jānte haiñ

kareñge na arz-e-tamannā ki ham ḳhud

mohabbat kā apnī bharam jānte haiñ

vahī kuchh samajhte haiñ asrār-e-hastī

jo hastī ko apnī adam jānte haiñ

matā-e-do-ālam samajhte haiñ ham bhī

magar chaar tinkoñ se kam jānte haiñ

kahīñ rāz-e-ulfat bhī hotā hai zāhir

kaheñ kyoñ jo kuchh tum ko ham jānte haiñ

ḳhudā ko vahī ḳhuub pahchānte haiñ

tumheñ jo ḳhudā kī qasam jānte haiñ

khulī haiñ dam-e-naz.a āñkheñ jo 'afqar'

abhī tak vo āñkhoñ meñ dam jānte haiñ

KHushi jaante hain na gham jaante hain

jo un ki raza ho wo hum jaante hain

jo kuchh chaar tinkon ko hum jaante hain

wo gulchin-o-sayyaad kam jaante hain

tumhaare hi jalwon ki hum raushni ko

tajalli-e-dair-o-haram jaante hain

main qatil na mahshar mein samjhun bhi to kya

tumhein sab KHuda ki qasam jaante hain

meri KHak-e-dil ka pata bhi nahin hai

wo itne sitam ko bhi kam jaante hain

KHuda ko KHuda hum samajhte hain waiz

magar han sanam ko sanam jaante hain

karenge na arz-e-tamanna ki hum KHud

mohabbat ka apni bharam jaante hain

wahi kuchh samajhte hain asrar-e-hasti

jo hasti ko apni adam jaante hain

mata-e-do-alam samajhte hain hum bhi

magar chaar tinkon se kam jaante hain

kahin raaz-e-ulfat bhi hota hai zahir

kahen kyon jo kuchh tum ko hum jaante hain

KHuda ko wahi KHub pahchante hain

tumhein jo KHuda ki qasam jaante hain

khuli hain dam-e-naza aankhen jo 'afqar'

abhi tak wo aankhon mein dam jaante hain