KHushi ki chehre pe gham ka jalal sath liye

ḳhushī ki chehre pe ġham kā jalāl saath liye

hayāt miltī hai par intiqāl saath liye

bulandiyoñ pe sabhī aa ke bhuul jaate haiñ

uruuj aatā hai lekin zavāl saath liye

vo ḳhuun āñkhoñ se ronā amal purānā hai

ab ashk bahte haiñ āñkhoñ kī khaal saath liye

ka.ī jamī huī parteñ udheḌ Dālegā

ye mujh meñ kaun hai utrā kudāl saath liye

ḳhabar ye ghol na de machhliyoñ ko paanī meñ

machhere ā.eñge kal sub.h jaal saath liye

yahāñ pe chhoḌ diyā to javāb Das leñge

maiñ lauT jā.uñgā apnā savāl saath liye

vo peT ke liye kaafī nahīñ hai ab 'fānī'

tū jā rahā hai jo rizq-e-halāl saath liye

KHushi ki chehre pe gham ka jalal sath liye

hayat milti hai par intiqal sath liye

bulandiyon pe sabhi aa ke bhul jate hain

uruj aata hai lekin zawal sath liye

wo KHun aankhon se rona amal purana hai

ab ashk bahte hain aankhon ki khaal sath liye

kai jami hui parten udheD Dalega

ye mujh mein kaun hai utra kudal sath liye

KHabar ye ghol na de machhliyon ko pani mein

machhere aaenge kal subh jal sath liye

yahan pe chhoD diya to jawab Das lenge

main lauT jaunga apna sawal sath liye

wo peT ke liye kafi nahin hai ab 'fani'

tu ja raha hai jo rizq-e-halal sath liye