KHushi ki baat thi lekin mujhe rula gai hai

ḳhushī kī baat thī lekin mujhe rulā ga.ī hai

kahāñ se baat chalī thī kahāñ tak aa ga.ī hai

mirā ḳhudā to yaqīnan bharam rakhegā mirā

maiñ jāntā huuñ ki us tak mirī duā ga.ī hai

maiñ aam taur pe chaltā huuñ us se aage magar

kahīñ kahīñ mire aage mirī anā ga.ī hai

maiñ apne naam kī taḳhtī nahīñ lagātā kahīñ

mirā pata mirī be-mā.egī batā ga.ī hai

sañbhal ke baiTh tū masnad pe sāhib-e-mansab

kisī kī jaan kisī kī yahāñ qabā ga.ī hai

tujhe ye zo.am faqat tū thā raunaq-e-mahfil

jaras kī guuñj tire baad jā-ba-jā ga.ī hai

KHushi ki baat thi lekin mujhe rula gai hai

kahan se baat chali thi kahan tak aa gai hai

mera KHuda to yaqinan bharam rakhega mera

main jaanta hun ki us tak meri dua gai hai

main aam taur pe chalta hun us se aage magar

kahin kahin mere aage meri ana gai hai

main apne nam ki taKHti nahin lagata kahin

mera pata meri be-maegi bata gai hai

sanbhal ke baiTh tu masnad pe sahib-e-mansab

kisi ki jaan kisi ki yahan qaba gai hai

tujhe ye zoam faqat tu tha raunaq-e-mahfil

jaras ki gunj tere baad ja-ba-ja gai hai