KHushiyan raqib hain ye mera gham anis hai

ḳhushiyāñ raqīb haiñ ye mirā ġham 'anīs' hai

merā hai ham-safar mirā hamdam 'anīs' hai

nāzuk-mizāj gul sā mulā.em aniis hai

chhū kar to dekh jaise ki resham 'anīs' hai

duniyā ke zaḳhmoñ kī nahīñ parvāh ab mujhe

mere har ek zaḳhm kā marham aniis hai

sarsabz ho uThī hai ye har ek shāḳh-e-dil

khilte haiñ gul bahār kā mausam aniis hai

labrez hai ḳhulūs-o-mohabbat ke aab se

gang-o-jaman kī dhaar kā sangam aniis hai

alfāz ghuñghrū bāñdh ke karne lage haiñ raqs

maiñ pyaar kā huuñ naġhma tū sargam aniis hai

hoñToñ pe kyoñ numūd-e-tabassum nahīñ hai aaj

kuchh baat hai 'anīs' jo barham 'anīs' hai

KHushiyan raqib hain ye mera gham 'anis' hai

mera hai ham-safar mera hamdam 'anis' hai

nazuk-mizaj gul sa mulaem anis hai

chhu kar to dekh jaise ki resham 'anis' hai

duniya ke zaKHmon ki nahin parwah ab mujhe

mere har ek zaKHm ka marham anis hai

sarsabz ho uThi hai ye har ek shaKH-e-dil

khilte hain gul bahaar ka mausam anis hai

labrez hai KHulus-o-mohabbat ke aab se

gang-o-jaman ki dhaar ka sangam anis hai

alfaz ghunghru bandh ke karne lage hain raqs

main pyar ka hun naghma tu sargam anis hai

honTon pe kyon numud-e-tabassum nahin hai aaj

kuchh baat hai 'anis' jo barham 'anis' hai