خوشیاں رقیب ہیں یہ مرا غم انیسؔ ہے

خوشیاں رقیب ہیں یہ مرا غم انیسؔ ہے

میرا ہے ہم سفر مرا ہمدم انیسؔ ہے

نازک مزاج گل سا ملائم انیس ہے

چھو کر تو دیکھ جیسے کہ ریشم انیسؔ ہے

دنیا کے زخموں کی نہیں پرواہ اب مجھے

میرے ہر ایک زخم کا مرہم انیس ہے

سرسبز ہو اٹھی ہے یہ ہر ایک شاخ دل

کھلتے ہیں گل بہار کا موسم انیس ہے

لبریز ہے خلوص و محبت کے آب سے

گنگ و جمن کی دھار کا سنگم انیس ہے

الفاظ گھنگھرو باندھ کے کرنے لگے ہیں رقص

میں پیار کا ہوں نغمہ تو سرگم انیس ہے

ہونٹوں پہ کیوں نمود تبسم نہیں ہے آج

کچھ بات ہے انیسؔ جو برہم انیسؔ ہے